Rydym yn arddangos yn Arddangosfa Arloesi Med-Tech 2026

Ym mis Mehefin eleni, byddwn yn arddangos yn yr Med-Tech Innovation Expo 2026 yn adeilad NEC Birmingham, a gynhelir ar 3–4 Mehefin—un o ddigwyddiadau blaenllaw y DU ar gyfer y sector dechnoleg feddygol a gofal iechyd.

Yn PDR, rydym yn gweithio mewn partneriaeth â sefydliadau i ddylunio a datblygu datrysiadau meddechnoleg effeithiol a masnachol hyfyw. O fewnwelediad defnyddwyr a ffactorau dynol i ddylunio diwydiannol a datblygu cynnyrch, rydym yn helpu timau i lywio cymhlethdod, lleihau risg arloesedd a chyflymu llwybrau i'r farchnad. Yn nigwyddiad eleni, byddwn yn arddangos sut mae ein dull sy’n ganolog i’r defnyddiwr — sy'n seiliedig ar fewnwelediad, cyd-gynllunio a chydweithio — yn trosi syniadau'n gynhyrchion, systemau a phrofiadau ystyrlon sy'n gwella deilliannau cleifion ac yn sicrhau gwerth masnachol gwirioneddol.

Bydd Jarred Evans ein Cyfarwyddwr, a Julie Stephens ein Rheolwr Masnachol, yn bresennol ac ar gael i drafod sut rydym yn cefnogi arloesedd ar draws y daith gyfan — o ymchwil cam cynnar a datblygu cysyniadau hyd at wireddu cynnyrch.

Mi fyddwn ni ar Stad MM50, Neuadd 7.

Mae Arddangosfa Arloesi Med-Tech yn llwyfan allweddol ar gyfer cysylltu â phartneriaid yn y diwydiant, archwilio tueddiadau newydd, a rhannu gwybodaeth — ac edrychwn ymlaen at fod yn rhan o'r sgwrs.

Cysylltwch i drefnu cyfarfod gyda ni yn ystod y digwyddiad, neu galwch heibio'r stondin — byddai'n bleser gennym siarad.